tg-me.com/Hamasaaaty/19755
Last Update:
"زوجي اتغير علي ..بقى ما بحب يقعد ف البيت كتير..بفضل اصحابو علي ..الخ "
..
الشكوى اللي من النوع ده بقيت بسمعها كتير ..من بعض الصديقات ..والمعارف خاصه ف الفترة الأخيرة..مع صعوبة الظروف ورتابة الحياة
..
معظمهم لما اسألهم سؤال ..انتِ حاسه نفسك مقصرة ف حاجه ؟
بتقول لي لا والله ..البيت بكون نضيف ..والأولاد نضيفين والاكل جاهز
..
للاسف مجتمعنا السوداني..حصر لينا سعادة البيوت ف البيت النضيف ..والاكل ..حتى الواحده لما تجي تتزوج..بدوها الكتالوج ده ..وبلزموها انها تمشي ببروتوكول بتاع لازم تصحي بدري ..لازم تنضفي البيت اتعلمي تطبخي عشان ما يعرسو فيك..وغيرها من التعليمات البتخص بيئة الزواج
ما بتخص الزواج نفسو..او التواصل بين الازواج
..
في الحقيقة إنو الأكل والنضافه دي متطلبات حياه عادية ما اهداف زواج اساسية ..في احتياجات نفسية أعمق من كده اوقات الناس ما بتلاحظ ليها
زي الونس مثلا..وانك لما تكون مع شريك حياتك يكون حضورك كامل ..ال quality time ..الاستماع الطبطبة..المساعدة في حل المشاكل ..وانو انت محتاج لصديق وقت ضيقك ..ولرفيق يشاركك رحلتك بكل مافيها من تبعات
وفي متطلبات كتيرة واحتياجات نفسية كتيرة ليها علاقة بالشريك ما بنديها أهمية..زي لغة الحب بتاعتو والطريقة اللي هو بحب يتعامل بيها ..وده اللي بخلي في فجوه وانفصال عاطفي بين الطرفين حتى وهم عايشين تحت سقف واحد
وأحيانا الإنسان بيهرب لما يكون عندو احتياج نفسي عميق ناقص او مهمش ..او لما يكون المكان اللي هو مصدر راحة ليه بقى مصدر لقلقو
..
حتى ف القرآن ربنا قال لتسكنوا إليها..ما قال لتسكنوا معها
عشان يبين إنو السكينة والمودة والأمان بتصنعها الزوجه قبل البيت ..
يبقى العبرة مافي اجتهادك في إنو البيت يبقى نضيف بس ..البوينت ف إنو كيف تصنعي بيت سعيد ..قادر يحتوي سكانو ..ويبقى ملجأهم الأول ..يهربو ليه ما يهربو منو
وفي إنو تفهمي إنو كل انسان عندو حسابات مختلفة
في واحد بتسعدو الكلمة الحلوة ..اكتر من اللقمة الحلوة
وفي إنسان محتاج لانسانه تشاركو همومو وضجة يومو اكتر من طباخه ماهرة ..او ست بيت شاطرة
حاولو تتعاملو مع العلاقات بوعي أكبر..وتكسرو شوية من سلاسل العادات والتقاليد
..
قد يبني الرجال مئات البيوت ولكن وحدها المرآه التي تجعل من البيت سكنآ💛
#Malaz_Ali
BY °•همساتي|pray for Sudan 🇸🇩 🙏
Warning: Undefined variable $i in /var/www/tg-me/post.php on line 280
Share with your friend now:
tg-me.com/Hamasaaaty/19755